संसदमा अर्थमन्त्री स्वर्णिम वागलेको कडा अभिव्यक्ति : “आफूले चाहेजस्तो चाहिएको हो भने चुनाव कुर्नु होला”
काठमाडौं । संघीय संसदमा बजेटमाथिको छलफलका क्रममा निरन्तर अवरोध, मन्त्रीहरूको अनुपस्थिति तथा विपक्षी दलहरूको चर्को विरोधबीच अन्ततः बजेट पारित भएको छ। सदनमा उत्पन्न तनावपूर्ण अवस्थाबीच अर्थमन्त्री स्वर्णिम वागलेदिएको कडा अभिव्यक्तिले राजनीतिक वृत्तमा नयाँ बहस सुरु भएको छ।
विपक्षी सांसदहरूले विभिन्न माग राख्दै सरकारमाथि दबाब सिर्जना गरिरहेका बेला अर्थमन्त्री वाग्लेले स्पष्ट शब्दमा जवाफ दिँदै भने, “यदि आफूले चाहेजस्तो निर्णय गराउन खोजिएको हो भने अर्को चुनाव कुर्नु होला।”
उनको उक्त भनाइपछि संसद भवनभित्र केही समय तनावपूर्ण वातावरण बनेको थियो। विपक्षी दलहरूले सरकार जनताको भावना विपरीत अघि बढेको आरोप लगाएका थिए भने सत्तापक्षले बजेट राष्ट्रको आवश्यकता अनुसार ल्याइएको दाबी गरेको छ।
संसदमा लगातारको अवरोधका बीच पनि सरकारले बहुमतका आधारमा बजेट पारित गराएको हो। राजनीतिक विश्लेषकहरूले अर्थमन्त्रीको अभिव्यक्तिलाई आगामी राजनीतिक समीकरण र चुनावी बहससँग जोडेर हेर्न थालेका छन्।
यता सामाजिक सञ्जालमा समेत अर्थमन्त्रीको उक्त अभिव्यक्ति व्यापक चर्चाको विषय बनेको छ। कसैले यसलाई “दृढ नेतृत्व” को संकेत भनेका छन् भने कतिपयले “अहंकारी शैली” को संज्ञा दिएका छन्।
