🏛️ नवगठित नवप्रवर्तन मन्त्रालयलाई पर्याप्त बजेट सुनिश्चित गर्न सांसद महावीर पुनको माग

रियल खबर अनलाईन ३१ वैशाख,काठमाडौं । राष्ट्रिय आविष्कार केन्द्रका संस्थापक तथा सांसद महावीर पुनले नवगठित नवप्रवर्तन मन्त्रालयलाई प्रभावकारी बनाउन पर्याप्त बजेट विनियोजन गर्न सरकारसँग जोडदार माग गरेका छन् ।

पुनले प्रस्तावित मन्त्रालयको नाम “विज्ञान, प्रविधि, अनुसन्धान तथा नवप्रवर्तन मन्त्रालय” राख्नुपर्ने धारणा राख्दै अनुसन्धानविनाको प्रविधि र विकास अधुरो हुने बताएका छन् ।

🔬 उनले देशको दीर्घकालीन विकास, वैज्ञानिक सोच, प्रविधि विस्तार तथा युवाको सिर्जनशीलतालाई प्रोत्साहन गर्न अनुसन्धान क्षेत्रमा लगानी अत्यावश्यक रहेको उल्लेख गरे ।

💡 महावीर पुनको भनाइले अहिले संसद् तथा सामाजिक सञ्जालमा व्यापक चर्चा पाएको छ । धेरैले नेपाललाई प्रविधिमैत्री र अनुसन्धानमुखी राष्ट्र बनाउन यस्तो मन्त्रालय आवश्यक रहेको प्रतिक्रिया दिएका छन् ।

🇳🇵 “अनुसन्धान बिना विकास सम्भव छैन” भन्ने सन्देशसहित पुनको धारणा अहिले राष्ट्रिय बहसको विषय बनेको छ ।