काठमाडौं — राष्ट्रिय मानवअधिकार आयोगको पछिल्लो प्रतिवेदनले देशको राजनीतिक तथा सुरक्षा क्षेत्रमा ठूलो हलचल मच्चिएको छ। आयोगले भदौ २३ र २४ गते भएको जेनजी आन्दोलन दमन प्रकरणलाई लिएर उच्च सुरक्षा अधिकारीहरूमाथि विभागीय कारबाहीको सिफारिस गरेपछि देशभर बहस चर्किएको हो।
आयोगले आन्दोलन नियन्त्रणका क्रममा मानवअधिकार उल्लंघन भएको निष्कर्ष निकाल्दै प्रहरी तथा सुरक्षा निकायका उच्च अधिकारीहरूमाथि कारबाही गर्न सरकारलाई सिफारिस गरेको जनाएको छ। साथै, आन्दोलनलाई उक्साउने तथा हिंसात्मक गतिविधि भड्काउने पक्षहरू पनि कानुनी कारबाहीको दायरामा आउनुपर्ने उल्लेख गरिएको छ।
📌 कारबाही सिफारिस गरिएका अधिकारीहरू:
• प्रहरी महानिरीक्षक दानबहादुर कार्की
• सशस्त्र प्रहरी बलका आईजीपी नारायणदत्त पौडेल
• डीआईजी ओमविक्रम राना
• एसएसपी विश्व अधिकारी
• सशस्त्र प्रहरीका एसपी जीवन केसी
• राष्ट्रिय अनुसन्धान विभागका निर्देशक कृष्ण खनाल
• काठमाडौं प्रमुख जिल्ला अधिकारी छविलाल रिजाल
⚠️ आयोगले आन्दोलनका क्रममा अराजक गतिविधि फैलाउने, हिंसा भड्काउने तथा जनतालाई उक्साउने समूह र व्यक्तिहरूमाथि समेत अनुसन्धान गरी कानुनी कारबाही गर्नुपर्ने धारणा राखेको छ।
प्रतिवेदन सार्वजनिक भएसँगै राजनीतिक वृत्त, मानवअधिकारकर्मी तथा नागरिक समाजमा तीव्र प्रतिक्रिया देखिएको छ। सामाजिक सञ्जालदेखि संसदसम्म अहिले यही विषय चर्चाको केन्द्र बनेको छ।
🛑 “आन्दोलन दमनमा अत्यधिक बल प्रयोग भएको” आयोगको निष्कर्ष।
🔥 उक्साहट र हिंसा फैलाउने पक्ष पनि अब निगरानीमा।
⚖️ सरकारमाथि कारबाही कार्यान्वयनको दबाब बढ्दो।
