रियल खबर अनलाईन | २५ पुस, काठमाडौं-निर्वाचन आयोगले देशभरका मतदाताको विवरण आवश्यक परेमा कुनै पनि राजनीतिक दललाई निश्चित शुल्क तिरेर उपलब्ध गराउने व्यवस्था गरेको छ। आयोगले तयार पारेको प्रतिनिधिसभा सदस्य निर्वाचन निर्देशिका अनुसार देशव्यापी मतदाता नामावली लिन इच्छुक दलले रु १० हजार शुल्क तिर्नुपर्नेछ।
निर्वाचन प्रयोजनका लागि आयोगमा विधिवत रूपमा दर्ता भएका राजनीतिक दलले दलको औपचारिक पत्र पेश गरेपछि मात्र उक्त मतदाता विवरण उपलब्ध गराइने व्यवस्था गरिएको निर्वाचन आयोगले जनाएको छ।
आयोगका अनुसार यस व्यवस्थाले निर्वाचन प्रक्रिया थप पारदर्शी, व्यवस्थित र विश्वसनीय बनाउने अपेक्षा गरिएको छ। राजनीतिक दलहरूले चुनावी रणनीति तथा व्यवस्थापनका लागि आवश्यक तथ्यांक सहज रूपमा प्राप्त गर्न सक्नेछन्।
