रियल खबर अनलाईन | २५ पुस, काठमाडौं– रौतहटको गौरमा २७ जनाको ज्यान जाने गरी घटेको विभत्स हत्याकाण्डको फाइल १९ वर्षपछि फेरि खुलिएको छ। सर्वोच्च अदालतबाट जारी परमादेशको पूर्णपाठ ७ पुसमा प्राप्त भएपछि रौतहट प्रहरीले घटनाको अनुसन्धान अघि बढाएको हो।
घटनालगत्तै किटानी जाहेरी दर्ता भए पनि तत्कालीन माओवादी, मधेशी जनअधिकार फोरम तथा सत्तासँग भएको कथित ‘सम्झौता’ का कारण लामो समयसम्म अनुसन्धान रोकिएको थियो। न्यायको प्रतीक्षामा रहेका पीडित परिवारका लागि यो निर्णयलाई महत्वपूर्ण मोडका रूपमा हेरिएको छ।
अब सबैको चासो एउटै प्रश्नमा केन्द्रित छ—
➡️ १९ वर्षपछि सुरु भएको अनुसन्धानले के वास्तविक दोषीलाई कानुनी कठघरामा ल्याउन सक्छ ?
➡️ राजनीतिक दबाब र प्रभावमुक्त निष्पक्ष छानबिन सम्भव हुन्छ ?
देशकै सबैभन्दा चर्चित र संवेदनशील घटनामध्ये एक मानिएको गौर हत्याकाण्डमा सत्य, न्याय र जवाफदेहिता स्थापित हुने अपेक्षा जनताले गरेका छन्।
