मेहनत, आत्मविश्वास र सपनाको यात्रामा अघि बढ्दै, अन्तर्राष्ट्रिय मञ्चमा नेपालको गौरव फैलाउने लक्ष्य
रियल खबर अनलाइन | काठमाडौं, उदयपुर जिल्लाको गाईघाटमा जन्मिएकी ओमकला माझी अहिले ९औँ मिस ग्राण्ड नेपाल २०२६ को प्रतिष्ठित प्रतिस्पर्धामा आफ्नो प्रतिभा, आत्मविश्वास, मेहनत र दृढ इच्छाशक्तिका साथ सहभागी भएकी छन्। साधारण परिवारबाट आफ्नो सपना साकार पार्ने यात्रामा निरन्तर संघर्ष गर्दै अघि बढिरहेकी ओमकला अहिले प्रतियोगिताकी एक सशक्त र आशालाग्दी प्रतिस्पर्धीका रूपमा हेरिएकी छन्।
बाल्यकालदेखि नै फेशन, मोडलिङ र व्यक्तित्व विकासप्रति विशेष रुचि राख्ने ओमकलाले आफ्नो मेहनत, अनुशासन र लगनशीलताका माध्यमबाट सफलताको यात्रा तय गरिरहेकी छन्। उनी भविष्यमा सफल अन्तर्राष्ट्रिय मोडल बन्ने सपना बोकेर निरन्तर आफूलाई नयाँ अवसरका लागि तयार पारिरहेकी छन्। उनको विश्वास छ कि सही मेहनत, आत्मविश्वास र सकारात्मक सोचले कुनै पनि सपना असम्भव हुँदैन।
ओमकलाका अनुसार मिस ग्राण्ड नेपाल २०२६ केवल सौन्दर्य प्रतियोगिता मात्र होइन, यो महिलाको नेतृत्व क्षमता, प्रतिभा, सामाजिक उत्तरदायित्व, व्यक्तित्व विकास र राष्ट्रप्रेमलाई विश्वसामु प्रस्तुत गर्ने उत्कृष्ट अन्तर्राष्ट्रिय मञ्च हो। उनी यो प्रतियोगितामार्फत नेपाली महिलाको क्षमता, आत्मबल र सिर्जनशीलतालाई विश्वमाझ परिचित गराउने दृढ लक्ष्यका साथ प्रतिस्पर्धामा उत्रिएकी हुन्।
उनको अर्को ठूलो सपना मिस ग्राण्ड नेपाल २०२६ को ताज जितेर अन्तर्राष्ट्रिय मञ्चमा नेपालको प्रतिनिधित्व गर्नु, नेपालको प्राकृतिक सौन्दर्य, सांस्कृतिक विविधता, पर्यटन र नेपालीपनको पहिचानलाई विश्वभर फैलाउनु हो। उनी नेपालको गौरवलाई अझ उचाइमा पुर्याउने उद्देश्यका साथ निरन्तर मेहनत गरिरहेकी छन्।
ओमकला माझीले आफ्नो सफलताको यात्रामा परिवार, आफन्त, साथीभाइ तथा शुभेच्छुकहरूको साथ र हौसलाले आफूलाई अझ प्रेरित गरेको बताउँदै प्रतियोगितामा उत्कृष्ट प्रदर्शन गर्ने विश्वास व्यक्त गरेकी छन्।
यस अवसरमा उनले सम्पूर्ण नेपाली दाजुभाइ–दिदीबहिनी, साथीभाइ तथा देश–विदेशमा रहनुभएका सम्पूर्ण नेपाली समुदायसँग आफूलाई भोट गरी विजयी बनाउन हार्दिक अपिल गरेकी छन्।
“मिस ग्राण्ड नेपाल २०२६ को ताज जित्नु मेरो व्यक्तिगत सपना मात्र होइन, नेपालको नाम अन्तर्राष्ट्रिय मञ्चमा गर्वका साथ चिनाउने मेरो उद्देश्य हो। नेपालको संस्कृति, पर्यटन र नेपाली महिलाको क्षमता विश्वसामु प्रस्तुत गर्ने अवसर पाउन चाहन्छु। मेरो यो यात्रालाई सफल बनाउन यहाँहरूको अमूल्य भोट, माया र साथको हार्दिक अपेक्षा गर्दछु।” — ओमकला माझी
