सफल मोडल बन्ने सपना, विश्वमञ्चमा नेपालको गौरव फैलाउने लक्ष्य
रियल खबर अनलाइन | काठमाडौं,मकवानपुर जिल्लाको सिस्नेरीमा जन्मिएकी सुस्मिता तामाङ अहिले ९औँ मिस ग्राण्ड नेपाल २०२६ को प्रतिस्पर्धामा आफ्नो आत्मविश्वास, प्रतिभा र दृढ इच्छाशक्तिका साथ सहभागी भएकी छन्। आफ्नो मेहनत, व्यक्तित्व र सकारात्मक सोचका कारण उनी प्रतियोगिताकी एक आशालाग्दी प्रतिस्पर्धीका रूपमा अघि बढिरहेकी छन्।
बाल्यकालदेखि नै मोडलिङप्रति विशेष रुचि राख्ने सुस्मिताको लक्ष्य भविष्यमा सफल अन्तर्राष्ट्रिय मोडल बन्नु हो। उनी आफ्नो प्रतिभा, अनुशासन र निरन्तर परिश्रमका माध्यमबाट राष्ट्रिय तथा अन्तर्राष्ट्रिय क्षेत्रमा नेपालको पहिचान स्थापित गर्न चाहन्छिन्।
सुस्मिताका अनुसार मिस ग्राण्ड नेपाल २०२६ केवल एउटा सौन्दर्य प्रतियोगिता मात्र नभई नेतृत्व, आत्मविश्वास, व्यक्तित्व विकास र राष्ट्रको पहिचान विश्वसामु प्रस्तुत गर्ने महत्वपूर्ण मञ्च हो। उनी यो प्रतिष्ठित ताज जितेर नेपाललाई संसारभर चिनाउने, देशको पर्यटन, संस्कृति र नेपाली महिलाको क्षमता अन्तर्राष्ट्रिय स्तरमा प्रवर्द्धन गर्ने लक्ष्यका साथ प्रतिस्पर्धामा उत्रिएकी छन्।
यस अवसरमा सुस्मिता तामाङले सम्पूर्ण नेपाली दाजुभाइ–दिदीबहिनी, साथीभाइ तथा शुभेच्छुकहरूसँग आफूलाई भोट गरी विजयी बनाउन हार्दिक अपिल गरेकी छन्।
“मिस ग्राण्ड नेपाल २०२६ को ताज जितेर अन्तर्राष्ट्रिय मञ्चमा नेपालको गौरव बढाउनु, विश्वभर नेपालको पर्यटन, संस्कृति र पहिचानलाई प्रवर्द्धन गर्नु मेरो जीवनको ठूलो सपना हो। मेरो यो यात्रालाई सफल बनाउन यहाँहरूको अमूल्य भोट, माया र साथको अपेक्षा गर्दछु।” — सुस्मिता तामाङ
