🗳️ देश विकासका लागि अघि बढौँ, भोट हाल्न गाउँ फर्कौँ!

रियल खबर अनलाईन,फागुन १९, काठमाडौँ। प्रतिनिधि सभा निर्वाचनको दिन नजिकिँदै जाँदा काठमाडौँ उपत्यकाबाट गाउँ फर्किनेहरूको संख्या उल्लेखनीय रूपमा बढेको छ। लोकतन्त्रको महत्त्वपूर्ण पर्वमा आफ्नो अमूल्य मताधिकार प्रयोग गर्न हजारौँ नागरिक गाउँतर्फ प्रस्थान गरिरहेका छन्।

काठमाडौँका प्रमुख नाकाहरू—कोटेश्वर, कलंकी, बालाजु, नागढुंगा लगायत स्थानमा घर फर्किने यात्रुहरूको भीड देखिएको छ। बसपार्क तथा यातायात केन्द्रहरूमा समेत यात्रुहरूको चाप बढेसँगै अतिरिक्त सवारीसाधन सञ्चालन गरिएको छ।

देश विकास र समृद्धिका लागि आफ्नो मत निर्णायक हुने विश्वासका साथ नागरिकहरू गाउँ फर्किएका हुन्। “देश विकासको लागि अघि बढौँ, भोट हाल्न गाउँ फर्कौँ” भन्ने भावना अहिले सर्वत्र देखिएको छ।

निर्वाचनलाई शान्त, निष्पक्ष र भव्य बनाउन सबै मतदातालाई उत्साहपूर्वक सहभागी हुन आह्वान गरिएको छ। लोकतन्त्रको सुदृढीकरण र उज्ज्वल भविष्यका लागि सचेत मतदाताको सक्रिय सहभागिता नै सबल आधार हो।