रियल खबर अनलाईन २९ वैशाख काठमाडौं । संसद्को विशेष बैठकका क्रममा राष्ट्रपति र सभामुखले सम्बोधन गरिरहेकै समयमा प्रधानमन्त्री सभा हलबाट बाहिरिएको दृश्यले राजनीतिक वृत्तमा ठूलो चर्चा र हलचल सिर्जना गरेको छ ।
संसदीय व्यवस्थामा सदन विधि, परम्परा र मर्यादाका आधारमा सञ्चालन हुने मान्यता रहँदै आएको छ । जनताबाट निर्वाचित प्रतिनिधिहरूलाई “माननीय” सम्बोधन गरिने र यही संसद्को बहुमतबाट प्रधानमन्त्री, सभामुख तथा राष्ट्रपति चयन हुने संवैधानिक व्यवस्था रहेको छ ।
तर राष्ट्रपतिले सम्बोधन गरिरहेको संवेदनशील क्षणमै प्रधानमन्त्री सभा हलबाट बाहिरिएको दृश्य सार्वजनिक भएपछि सदनको मर्यादा र राजनीतिक संस्कारमाथि प्रश्न उठ्न थालेको छ ।
घटनापछि राजनीतिक वृत्त, सामाजिक सञ्जाल तथा सर्वसाधारणबीच विभिन्न टिकाटिप्पणी सुरु भएको छ । कतिपयले यसलाई संसदीय मर्यादाविपरीत व्यवहार भनेका छन् भने केहीले यसलाई सामान्य राजनीतिक गतिविधि भएको बताएका छन् ।
🔥 संसद्को यो दृश्य अहिले देशभर चर्चाको विषय बनेको छ ।
