रियल खबर अनलाईन २५ ,जेष्ठ काठमाडौं। परराष्ट्रमन्त्री शिशिर खनाल भारत भ्रमण सम्पन्न गरेपछि चार दिने औपचारिक भ्रमणका लागि चीन जाने भएका छन्। सरकारका अनुसार यो भ्रमणले नेपाल–चीन सम्बन्धलाई थप सुदृढ बनाउन तथा द्विपक्षीय सहकार्यका विविध विषयमा उच्चस्तरीय छलफल गर्न महत्वपूर्ण भूमिका खेल्ने अपेक्षा गरिएको छ।
भ्रमणका क्रममा परराष्ट्रमन्त्री खनालले चिनियाँ समकक्षी तथा उच्च सरकारी अधिकारीहरूसँग भेटवार्ता गर्ने कार्यक्रम रहेको बताइएको छ। छलफलमा व्यापार, लगानी, पूर्वाधार विकास, पर्यटन, कनेक्टिभिटी तथा आपसी हितका क्षेत्रहरूमा सहकार्य विस्तारका विषयहरू प्रमुख एजेन्डाका रूपमा रहनेछन्।
भारत र चीनजस्ता दुई छिमेकी राष्ट्रसँग नेपालको कूटनीतिक सम्बन्धलाई सन्तुलित र प्रभावकारी बनाउने प्रयासस्वरूप यो भ्रमणलाई अर्थपूर्ण रूपमा हेरिएको छ। पछिल्लो समय क्षेत्रीय तथा अन्तर्राष्ट्रिय परिवेशमा नेपालले आफ्नो कूटनीतिक सक्रियता बढाइरहेका बेला परराष्ट्रमन्त्रीको चीन भ्रमणलाई विशेष महत्वका साथ हेरिएको छ।
राजनीतिक तथा कूटनीतिक विश्लेषकहरूका अनुसार यस भ्रमणले नेपाल–चीन सम्बन्धलाई नयाँ उचाइमा पुर्याउनुका साथै आर्थिक, व्यापारिक तथा विकास साझेदारीलाई थप बलियो बनाउन सहयोग पुग्ने अपेक्षा गरिएको छ। भ्रमणका क्रममा हुने समझदारी तथा सहमतिहरूप्रति राजनीतिक वृत्त र सर्वसाधारणको चासो केन्द्रित भएको छ।
