👑✨ मोन्टेसरी प्रिन्स र प्रिन्सेसको ताज अभिनव र डिक्कीको सिरमा ✨👑

बाल प्रतिभाको भव्य उत्सव, अभिभावक र दर्शकको उल्लेखनीय सहभागिता

रियल खबर अनलाइन | १२ माघ, काठमाडौं ।आरके मनोरंजन समूहले आयोजना गरेको मोन्टेसरी प्रिन्स एण्ड प्रिन्सेस २०२६ प्रतियोगिता काठमाडौंमा भव्य र सफल रूपमा सम्पन्न भएको छ। बालबालिकाको प्रतिभा, आत्मविश्वास र व्यक्तित्व विकासलाई केन्द्रमा राखी आयोजना गरिएको यस प्रतियोगितामा लिटल लर्नर्स मोन्टेसरी स्कुलका अभिनव प्रिन्स ढकाल र किड्स केयर एलिमेन्टरी स्कुलकी डिक्की डोल्माले उत्कृष्ट प्रदर्शन गर्दै मोन्टेसरी प्रिन्स तथा मोन्टेसरी प्रिन्सेसको ताज आफ्नो शिरमा सजाउन सफल भएका छन्।

प्रतियोगिताको विभिन्न चरणमा सहभागी बालबालिकाको आत्मविश्वास, प्रस्तुति शैली, अनुशासन, प्रतिभा, व्यवहार र व्यक्तित्व विकासलाई आधार मानी निर्णायक मण्डलद्वारा सूक्ष्म र निष्पक्ष मूल्यांकन गरिएको थियो। ती सबै मापदण्डमा अब्बल सावित हुँदै अभिनव र डिक्कीले निर्णायक मण्डलसँगै उपस्थित दर्शकहरूको मन जित्न सफल भएका हुन्।

कार्यक्रमका क्रममा बालबालिकाहरूले रंगीन पोशाक, आत्मविश्वासी हिँडाइ, आकर्षक प्रस्तुति र बालसुलभ मुस्कानमार्फत सम्पूर्ण सभाहललाई मन्त्रमुग्ध बनाएका थिए। अभिभावकहरू आफ्ना नानीहरूको प्रस्तुति देखेर गर्वित र भावुक देखिनु कार्यक्रमको सबैभन्दा सुन्दर पक्ष बनेको थियो।

🏆 बिजेताहरूलाई आकर्षक पुरस्कार
बिजेता अभिनव प्रिन्स ढकाल र डिक्की डोल्माले उपहार स्वरूप
🚲 साइकल,
🎁 विभिन्न आकर्षक गिफ्ट ह्याम्पर,
🏅 प्रमाणपत्र तथा सम्मान चिन्ह
प्राप्त गरेका छन्।
साथै, कार्यक्रममा सहभागी सबै बालबालिकाहरूलाई समेत प्रोत्साहनस्वरूप प्रमाणपत्र तथा उपहार प्रदान गरिएको आयोजकले जनाएको छ।

आयोजक संस्था RK Entertainment Group ले यस प्रकारका बालमैत्री तथा सिर्जनात्मक कार्यक्रमहरूले बालबालिकामा लुकेको प्रतिभा उजागर गर्नुका साथै उनीहरूको आत्मविश्वास, सामाजिक व्यवहार र भविष्यको नेतृत्व क्षमतामा सकारात्मक प्रभाव पार्ने विश्वास व्यक्त गरेको छ।

कार्यक्रममा विभिन्न विद्यालयका प्रतिनिधि, शिक्षक, अभिभावक, सञ्चारकर्मी तथा दर्शकहरूको उल्लेखनीय उपस्थिति रहेको थियो। सहभागी अभिभावकहरूले यस्तो स्तरिय र अनुशासित कार्यक्रमले नानीहरूको सर्वांगीण विकासमा महत्वपूर्ण भूमिका खेल्ने प्रतिक्रिया दिएका छन्।

बाल प्रतिभाको सम्मान, आत्मविश्वासको विकास र उज्ज्वल भविष्य निर्माणतर्फ आरके मनोरंजन समूह द्वारा आयोजित मोन्टेसरी प्रिन्स एण्ड प्रिन्सेस २०२६ कार्यक्रम एक प्रेरणादायी र ऐतिहासिक उपलब्धिका रूपमा स्थापित भएको छ।