🌐 ग्रान्ड ब्रेकिङ न्यूज | रियल खबर अनलाइन……
रियल खबर अनलाईन १४ मंसिर-आगामी निर्वाचन नजिकिँदै गर्दा नेपाली राजनीतिक वृत्तमा नयाँ तरंग ल्याउने गरी राष्ट्रिय प्रजातन्त्र पार्टी (राप्रपा) ले प्रधानमन्त्री सुष्मा कार्कीसँग महत्त्वपूर्ण राजनीतिक प्रस्ताव राखेको छ। पार्टीले चुनावअघि नै पूर्वराजासहित सबै राजनीतिक शक्ति, सामाजिक समूह र राष्ट्रिय व्यक्तित्व सहभागी हुने ‘सर्वपक्षीय राष्ट्रिय सम्मेलन’ अविलम्ब बोलाउनुपर्ने कडा माग गरेको छ।
राप्रपाका शीर्ष नेताहरूले प्रधानमन्त्री निवासमा भेट गर्दै वर्तमान राजनीतिक संक्रमण, बढ्दो अविश्वास, जनतामा फैलिएको निराशा र अस्थिरतामा सबै पक्षले मिलेर मार्ग निकाल्नुपर्ने आवश्यकता औपचारिक रूपमा उठाएका हुन्।
राप्रपाको मुख्य मागहरू :
पूर्वराजासहित सबै पक्षलाई एउटै टेबलमा ल्याएर राष्ट्रिय सहमति बनाउने
आर्थिक संकट, बेरोजगारी र असन्तुष्ट युवाहरूको आवाज सम्बोधन गर्न एकीकृत राष्ट्रिय प्रतिवद्धता
संविधान, शासनव्यवस्था र आगामी निर्वाचन प्रणालीबारे खुला संवाद
राष्ट्रिय एकता र स्थिरता कायम गर्न राजनीतिक शक्ति तथा नागरिक समाजको साझा रोडम्याप
स्रोतका अनुसार, राप्रपाले अबको राजनीतिमा जनताको विश्वास पुनःस्थापना गर्ने एक मात्र बाटो सबै पक्षको सहभागितामा हुने ‘ग्रान्ड नेशनल कन्सेन्सस’ रहेको स्पष्ट उल्लेख गरेको छ।
प्रधानमन्त्री कार्कीले राप्रपाको मागलाई “गम्भीर र विचारयोग्य” भन्दै सम्बन्धित पक्षसँग छलफल अघि बढाउने संकेत गरेकी बताइएको छ।
