रियल खबर अनलाईन काठमाडौं, ८ वैशाख । गृहमन्त्री सुधन गुरुङ र रवि लामिछाने बीच आज बूढानीलकण्ठमा भेटवार्ता भएको छ। पछिल्लो समय गृहमन्त्री गुरुङसँग सम्बन्धित विषयमा व्यापक सार्वजनिक चासो र प्रश्नहरू उठिरहेका बेला यो भेटलाई विशेष अर्थका साथ हेरिएको छ।
सत्तारुढ दल राष्ट्रिय स्वतन्त्र पार्टी (रास्वपा) ले हालसम्म यस विषयमा औपचारिक धारणा सार्वजनिक नगरे पनि सामाजिक सञ्जालमा भने विभिन्न अड्कलबाजी र बहस तीव्र रूपमा फैलिएको छ। यस्तै अवस्थामा शीर्ष नेतृत्वबीच भएको यो भेटले राजनीतिक वृत्तमा नयाँ तरंग सिर्जना गरेको छ।
स्रोतका अनुसार, भेटमा वर्तमान विवाद, पार्टीको धारणा र सम्भावित रणनीतिबारे गम्भीर छलफल भएको बताइएको छ। तर, बैठकका विषयवस्तु सार्वजनिक नगरिएकाले थप चासो र कौतुहलता बढेको छ।
राजनीतिक विश्लेषकहरूका अनुसार, बढ्दो जनचासो र आलोचनाबीच भएको यो भेटले आगामी दिनमा रास्वपाको आधिकारिक धारणा र कदमबारे संकेत गर्न सक्ने देखिन्छ। अब सबैको ध्यान पार्टीले लिने औपचारिक निर्णय र सार्वजनिक प्रतिक्रिया तर्फ केन्द्रित भएको छ।
