सफल व्यवसायी र समाजसेवी बन्ने लक्ष्य, नेपालको गौरव विश्वमञ्चमा फैलाउने सपना

रियल खबर अनलाइन | काठमाडौं ,झापा जिल्लाको झिलझिलेमा जन्मिएकी सलिजा लिम्बु अहिले ९औँ मिस ग्राण्ड नेपाल २०२६ को प्रतिस्पर्धामा आत्मविश्वास, प्रतिभा र उच्च सपनाका साथ सहभागी भएकी छन्। आफ्नो मेहनत, लगन र सकारात्मक सोचका कारण उनी प्रतियोगितामा एक सक्षम प्रतिस्पर्धीका रूपमा अघि बढिरहेकी छन्।

सलिजालाई गीत गाउन र नयाँ–नयाँ ठाउँको भ्रमण गर्न विशेष रुचि छ। कला, संस्कृति र सिर्जनात्मक क्षेत्रमा उनको गहिरो लगाव रहेको छ। भविष्यमा सफल व्यवसायी बन्नुका साथै समाजसेवीका रूपमा समाजमा सकारात्मक परिवर्तन ल्याउने उनको दृढ लक्ष्य रहेको छ।

उनको विश्वास छ कि मिस ग्राण्ड नेपाल २०२६ केवल सौन्दर्य प्रतियोगिता मात्र नभई नेतृत्व, आत्मविश्वास, सामाजिक उत्तरदायित्व र राष्ट्रप्रेम प्रदर्शन गर्ने उत्कृष्ट मञ्च हो। उनी यही मञ्चमार्फत नेपालको कला, संस्कृति, पर्यटन र नेपाली महिलाको क्षमता अन्तर्राष्ट्रिय स्तरमा परिचित गराउने सपना बोकेर अघि बढेकी छन्।

यस अवसरमा सलिजा लिम्बुले सम्पूर्ण नेपाली दाजुभाइ–दिदीबहिनी, साथीभाइ तथा शुभेच्छुकहरूसँग आफूलाई भोट गरी विजयी बनाउन हार्दिक अपिल गरेकी छन्।

“मिस ग्राण्ड नेपाल २०२६ को ताज जितेर अन्तर्राष्ट्रिय मञ्चमा नेपालको गौरव बढाउनु, देशको पर्यटन प्रवर्द्धन गर्नु र समाजका लागि प्रेरणादायी व्यक्तित्व बन्नु मेरो सपना हो। मेरो यो यात्रालाई सफल बनाउन यहाँहरूको अमूल्य भोट, माया र साथको अपेक्षा गर्दछु।” — सलिजा लिम्बु

🌟 तपाईंको एउटा भोटले सलिजा लिम्बुको सपना साकार बनाउन र नेपालको नाम विश्वमञ्चमा गर्वका साथ चिनाउन महत्वपूर्ण भूमिका खेल्न सक्छ। 🇳🇵👑