रियल खबर अनलाइन | ९ पुस, काठमाडौं — आगामी फागुनमा हुने भनिएको प्रतिनिधिसभा सदस्यको निर्वाचनको मिति नजिकिँदै जाँदा देशभर राजनीतिक सरगर्मी बढ्न थालेको छ । प्रमुख राजनीतिक दलहरूले आन्तरिक तयारीलाई तीव्र बनाउँदै बन्द सूची तयार पार्ने काममा सक्रियता देखाएका छन् ।
निर्वाचन आयोगले राष्ट्रियसभा र प्रतिनिधिसभा सदस्य निर्वाचनका सम्पूर्ण प्रक्रिया एकैसाथ अगाडि बढाइरहेको छ । यससँगै दलहरू उम्मेदवार छनोट, रणनीतिक छलफल र संगठन सुदृढीकरणमा जुटेका छन् ।
चुनाव नजिकिँदै जाँदा राजनीतिक भेटघाट, बैठक र छलफलहरू बढ्दै गएका छन् भने आगामी निर्वाचनले देशको राजनीतिक दिशा तय गर्ने अपेक्षा गरिएको छ ।
