रियल खबर अनलाइन १३ माघ, काठमाडौं । हामीलाई जाडो, प्रियंकालाई भने गर्मी ! चर्चित अभिनेत्री तथा मोडल प्रियंका कार्की पछिल्लो समय सामाजिक सञ्जालमा अत्यधिक चर्चाको केन्द्रमा रहेकी छिन् । एकपछि अर्को गर्दै उनले आफ्नो सामाजिक सञ्जालमा सार्वजनिक गर्ने आकर्षक फोटो तथा भिडियोहरूले नेटिजनहरूको ध्यान तान्न सफल भइरहेका छन् ।
स्टाइल, आत्मविश्वास र आधुनिक प्रस्तुतिको संयोजनका कारण प्रियंकाका पोस्टहरू छोटो समयमै भाइरल भइरहेका छन् । उनका तस्बिर तथा भिडियोमा प्रशंसकहरूबाट लाइक, कमेन्ट र सेयरको ओइरो लाग्ने गरेको देखिन्छ । कतिपयले उनको बोल्ड अवतारको खुलेर प्रशंसा गरेका छन् भने कतिपयले उनको फैशन सेन्स र आत्मविश्वासी प्रस्तुतीलाई आधुनिक नेपाली मनोरञ्जन उद्योगको नयाँ ट्रेन्डका रूपमा लिएका छन् ।
सामाजिक सञ्जालमा सशक्त उपस्थितिका कारण प्रियंका कार्की पुनः एकपटक चर्चाको शिखरमा पुगेकी छिन् । अभिनय मात्र होइन, डिजिटल प्लेटफर्ममा पनि प्रभावशाली पहिचान बनाएकी प्रियंकाले आफ्नो लोकप्रियता अझै मजबुत बनाउँदै लगेको विश्लेषण गर्न थालिएको छ ।
