🌍✈️ पश्चिम एसिया युद्धको असर : नेपालको पर्यटन क्षेत्रमा गम्भीर संकट ✈️🌍

रियल खबर अनलाईन | १२ चैत्र | काठमाडौँ – नेपालको पर्यटन क्षेत्रमा यस वर्ष गम्भीर संकट देखिएको छ। हरेक वर्ष मार्च, अप्रिल, मे र जुन महिनालाई दोस्रो प्रमुख पर्यटक सिजनका रूपमा लिइने गरिन्छ। तर, यसपालि भने सिजन सुरु हुनै लाग्दा उत्साहभन्दा बढी चिन्ताको वातावरण सिर्जना भएको छ।

पश्चिम एसियामा बढ्दो तनाव र युद्धको प्रभावले नेपाल आउने पर्यटकको संख्यामा ठुलो गिरावट आउने संकेत देखिएको छ। Iran माथि Israel र United States ले गरेको आक्रमणपछि समग्र पश्चिम एसिया क्षेत्र तनावग्रस्त बनेको छ, जसको प्रत्यक्ष असर नेपालको पर्यटनमा परेको छ।

हालको अवस्थाले पश्चिम एसियाली मुलुकका पर्यटकहरू नेपाल आउन नसक्ने स्थिति सिर्जना भएको छ। त्यति मात्र होइन, पश्चिम एसियाको हवाइमार्ग र ट्रान्जिट प्रयोग गर्दै नेपाल आउने अन्य देशका पर्यटकहरू पनि प्रभावित भएका छन्। अन्तर्राष्ट्रिय उडानमा अवरोध, सुरक्षा चिन्ता र यात्रामा अनिश्चितताले पर्यटक आगमनमा ठूलो कमी ल्याउने निश्चितजस्तै देखिएको छ।

पर्यटन व्यवसायीहरूका अनुसार, यस वर्ष कम्तीमा ४० देखि ५० प्रतिशतसम्म पर्यटक घट्ने अनुमान गरिएको छ। विशेष गरी हिमाली पर्यटन क्षेत्रमा यसको प्रभाव अझ बढी पर्ने देखिएको छ, जहाँ वसन्तकालीन सिजन सबैभन्दा महत्वपूर्ण मानिन्छ।

ट्रेकिङ, आरोहण र साहसिक पर्यटनमा निर्भर व्यवसायीहरू अहिले गम्भीर आर्थिक दबाबमा परेका छन्। होटल, ट्राभल एजेन्सी, गाइड र श्रमिकहरू सबैमा निराशा बढ्दै गएको छ।

प्रश्न उठेको छ — के यो संकटलाई व्यवस्थापन गर्न सरकार र सम्बन्धित निकायले समयमै ठोस कदम चाल्न सक्लान्?

यस वर्षको वसन्त सिजन, जुन उत्साह र भीडभाडको प्रतीक मानिन्थ्यो, अहिले भने अनिश्चितता र चिन्ताको छायामा परेको छ।

रियल खबरले यस विषयमा थप अपडेट निरन्तर प्रस्तुत गर्नेछ।